Bashkëlojtarët te Arsenali, Hector Bellerin dhe Alexandre Lacazette janë vënë ballëpërballë njëri-tjetrit gjatë stërvitjeve të sotme (e mërkurë) derisa Arsene Wenger po përgatiste skuadrën e tij për gjysmëfinalen në Evropa Ligë kundër Atletico Madridit.

“Topçinjtë” ishin duke u përgatitur për ndeshjen e parë gjysmëfinale në Evropa Ligë që zhvillohet mbrëmjen e së enjtes në stadiumin Emirates dhe dukej që presioni ishte ngritur dukshëm, transmeton portali arbresh.info.

Derisa ishin duke bërë ushtrime, Bellerin dhe Lacazette u përplasen me njëri-tjetrin pas sfidës për të arritur një top të lartë.

Dy lojtarët shikonin njëri-tjetrin me ashpërsi, por u ndanë me shpejtësi para se çështja të përkeqësohej tutje.

Arsene Wenger shpreson të arrijë titullin e fundit si trajner i Arsenalit para largimit këtë verë.

Wenger ka njoftuar javën e kaluar se do të jap dorëheqje nga pozita e tij pas 22 viteve në klub./arbresh.info/